- Dëgjo cfarë ushqimesh refuzon trupi yt. Nëse një ushqim të jep fryrje barku, lodhje apo mungesë përqendrimi, zvogëloje në sasi ose evitoje si ushqim.
- Mos u ndiej në faj kur ndonjëherë nuk ushqehesh shëndetshëm. Nëse zgjedh të konsumosh një ushqim që nuk konsiderohet i shëndetshëm, shijoje deri në kafshatën e fundit. Ndjesia e fajit në përfundim te tij i bën dyfish dëm trupit. Këshillë! Kujto që herën tjetër ke në dorë të bësh zgjedhje më të shëndetshme për veten tënde.
- Mos u fikso pas cdo kafshate, por ruaj balancën e përgjithshme. Një pjatë me peshk, perime nuk të dobson dhe as nje racion ëmbëlsirë nuk na shëndosh. Por të dyja të përsëritura në kohë mund të japin rezultate pozitive apo negative.
- Kaloritë nuk janë njësoj. 200 g bukë integrale, nuk është njesoj me 200 g bukë të bardhë. E para ka më shumë vlera ushqyese, tretet më ngadalë dhe na mban të ngopur më gjatë. Ndërsa e dyta ka më pak vlera ushqyese, tretet shpejtë dhe na sjell urinë më herët.
- Përtypu mirë, ushqehu ngadalë. Përtypja e mirë dhe ushqyerja e ngadaltë, përmirësojnë tretjen dhe ndihmojnë në përthithjen më të plotë të ushqimit.
- Sa më e fortë stërvitja, aq më të rëndësishme karbohidratet. Sa më intensive stërvitja, aq më e rëndësishme është të konsumojmë karbohidrate para saj. 1 g për kg peshë trupore, rreth 1 orë para. Nëse stërvitesh fortë në mëngjes, sigurohu të kesh ngrënë karbohidrate në darkë.
- Konsumo ushqime të fermentuara. Për një tretje dhe shëndet më të plotë, përfshi ushqimet e fermentuara, si kos, kefir, turshi, etj.
- Tejngopja/karbohidratet e larta, ulin përformancën mendore. Konsumi i lartë i karbohidrateve apo mbingopja ulin aktivitetin mendor dhe na vendosin “në gjumë”. Prandaj evitoji gjatë takimeve, punëve apo situatave që kërkojnë aktivitet të lartë mendor.
2024 © All rights Reserved
2024 © All rights Reserved