- Dietat drastike. Konsumi shumë i ulët i kalorive ditore. Në fillim patjetër që mund të kesh rezultat, por me kalimin e kohës metabolizmi ngadalsohet, niveli i energjisë bie, gjumi nuk është i mirë. Këshillë! Sigurohu që ushqimi të jetë i balancuar dhe i bollshëm me nutrientë. Gjithashtu ngrihu nga tavolina jo tejngopur.
- Mungesa e aktivitetit ditor. 45-60 minuta stërvitje në ditë është shumë mirë, por nëse do të përshpejtosh rezultatin, duhet të shfrytëzosh momentet e ditës që të jesh sa me aktiv. Këshillë! Vendos objektiva te tilla si 10.000 hapa në ditë, shkallët në vend të ashensorit, lër makinën dhe ec në këmbë, 5-10 squat çdo 30 minuta qëndrim ulur, sport, kërcim, etj.
- Shumë ushtrime kardiovaskulare dhe pak ushtrime që forcojnë muskujt. Patjetër që me ushtrime kardiovaskulare si vrapi etj, mund të humbasim peshë, por është stërvitja e muskujve që e mban trupin të fortë, të tonifikuar dhe posturën e rregullt. Këshillë! Bëj ushtrime kardio me intensitete të ndryshme 3 – 6 herë në javë për 15 – 45 minuta plus 3 – 4 herë në javë stërvitje me pesha, peshë trupi, llastiqe ose yoga, pilates, etj
- Gjumë jo i mirë. Mungesa e një gjumi të mirë sjell një disbalancë hormonale dhe metabolike. Kjo rrit hormonin e stresit, kortizolin, i cili shton masën dhjamore dhe ul masën muskulare. Këshillë! Plotëso orët e nevojshme që të ngrihesh i shlodhur dhe energjik. Gjithashtu dremitjet disa minutëshe në mesdite janë shumë rigjeneruese
- Mosnjohja e ushqimeve që konsumojmë. Disa ushqime janë në sasi të vogla, por kanë shumë kalori, siç janë yndyrnat, vajrat, frutat e thata dhe kryesisht ushqimet e ambalazhuara. Këshillë! Kërkimi në internet apo në aplikacione të ndryshme si “MyFitnessPal” për vlerat dhe kaloritë e ushqimeve, na ndërgjegjëson dhe na ndihmon që të kujdesemi për sasitë e ushqimeve KUJDES! Kjo është vetëm për qëllim ndërgjegjësimi dhe JO të fiksohemi pas numrave.
- Ngrënia e pandërgjegjshme. Jemi para telefonit apo televizorit dhe marrim një tas me fruta, fruta të thata, etj dhe hamë pa llogaritur se sa duhet të hamë. Kjo pa e kuptuar sjell një konsum shumë të lartë kalorish. Këshillë! Merrni gjithmonë sasi fikse ushqimi
- Fiksimi pas ushtrimeve të barkut. Kalojmë një kohë të gjatë me ushtrime të ndryshme duke punuar për pjesën e barkut, por nuk funksionon ashtu. Nëse do të humbasësh masë dhjamore, duhet të punosh me ushtrime që vënë në punë shumë grup muskujsh njëkohësisht. Këshillë! Ushtrimet e barkut janë shumë të nevojshme, por nuk duhen tepruar. Këto ushtrime në vetvete nuk mund të heqin masë dhjamore, prandaj rreth 10 – 15 minuta 2 – 3 herë në javë mjafton.
- Mungesa e një motivi të fortë dhe objektivave konkret. Duhet të gjejmë një arsye të fortë përse po e bëjme këtë gjë, përse duam të humbasim peshë dhe mbahu fort pas asaj arsyeje. Mos u nxit thjesht nga një fjalë apo një koment i dikujt, por gjej një arsye që ka rëndësi për ty dhe përdore si karburant për të vazhduar më tej. Këshillë! Vendos objektiva fikse dhe të realizueshme si psh, të humbas 2-3 kg masë dhjamore në muaj. Arritja e vazhdueshme e këtyre objektivave të shtyn dhe të motivon të vazhdosh më tej.
- Mungesa e një grupi/personave mbështetës. Gjej një person ose grup personash që të mbështetsin të arrish objektivat që ke. Këshillë! Përfshije veten në atmosfera që të nxisin.
- Mungesa e durimit. Çelësi i kësaj loje është DURIMI. Trupat janë të ndryshëm, ti ke ritmin tënd të ndryshimit, ndryshe nga dikush tjetër. Prandaj mos u mat, mos pretendo të ndryshosh brënda dy javëve. Këshillë! Jepi kohë trupit të ndryshojë.
2024 © All rights Reserved
2024 © All rights Reserved